5 чэрвеня — конкурс "Птушка-арт"!
Упершыню! Заклікаем дзетак і дарослых паўдзельнічаць у конкурсе «Птушка-арт»і такім чынам адсвяткаваць Сусветны дзень аховы навакольнага асяроддзя разам з птушкай года – жаўруком-смецюхом!
У гэтым годзе мы прапануем не маляваць на асфальце, а зладзіць сапраўдны крэатыўны флэш-моб! Далучайцеся і далучайце сяброў! А АПБ ужо рыхтуе падарункі.
Прыняць удзел вельмі проста – 5 чэрвеня выйсці на вуліцу, праявіць сваю фантазію на дварэ, задзейнічаць як мага болей чалавек, скласці з усіх удзельнікаў сілуэт птушкі года, а фотаздымак даслаць нам.
<ins>.jpg)
Для натхнення :)</ins>
Фотаздымкі, якія адлюстроўваюць творчы працэс і канчатковую творчую працу, неабходна даслаць 5 чэрвеня 2017 года на эл. Адрас ptushkahoda@ptushki.org з тэмай "Птушка-арт", абавязкова паведаміць:
- прозвішча і імя аўтара малюнка;
- назву гуртка або ўстановы адукацыі;
- прозвішча, імя, імя па бацьку кіраўніка гуртка;
- колькасць удзельнікаў;
- тэлефон для сувязі.
Пераможцы конкурсу будуць вызначаныя па арыгінальнасці задумы, сюжэту, а таксама па колькасці ўдзельнікаў ад кожнага гуртка, пераможцы атрымаюць прыемныя падарункі.
<ins>.jpg)
</ins>
АПБ жадае ўсім удзельнікам конкурса "Птушка-арт» сонечнага надвор’я і творчага настрою. Няхай жаўрук-смяцюх завітае ў кожны двор!
