Паназіраем за кармушкай у Залессі
Назіраць за зімовым кармленнем птушак цяпер можна не толькі праз шкло, але і праз інтэрнэт. Ужо дзве тысячы гледачоў з 30 краінаў сочаць за птушынай сталоўкай анлайн. Сталавацца на кармушку, якая знаходзіцца на ўскрайку Белавежскай пушчы, штодня прылятае многа птушак.
<ins>
</ins>
Акрамя беларускіх карыстальнікаў, якіх каля 71 %, за птушкамі пільна сочаць з суседніх Расіі, Украіны ды Польшчы. Але нямала гледачоў і з-за акіяну – напрыклад, са Злучаных штатаў Амерыкі.
Анлайн-назіральнікамі ўжо адзначана 10 відаў птушак: два дзятлы — сярэдні і вялікі (апошні завітаў літаральна днямі), шуляк-карагольчык, а астатнія — вераб'іныя.
<ins>
</ins>
Далучайся да назіранняў за сталоўкай – гэта неверагодна цікава і зацягвае! І можна фатаграфаваць птушак дыстанцыйна і нават без здымача.
