Намалюй сняданак шчыгела!
АПБ праводзіць конкурс малюнкаў на тэму “Чым шчыгел снедае?” Птушка года – аматар насення пустазелля. Якога менавіта? Прапануем дазнацца пра гэта самастойна і адлюстраваць у сваіх малюнках шчыгела за сняданкам.
Гэта яркая птушка так і просіцца на малюнак. Дарэчы, шчыгела можна знайсці і на знакамітых творах мастацтва: на карціне Рафаэля “Мадонна са шчыгелам” або на палатне Босха з цэнтральнай панелі трыптыху “Сад зямных асалодаў”.
Мэта конкурса – паказаць прыгажосць шчыгела, адзначыць асаблівасці яго жыцця і патлумачыць, як чалавек можа дамагчы гэтай птушцы.
На конкурс прымаюцца малюнкі, выкананыя фарбамі ад рукі ў розных тэхніках.
Працы трэба дасылаць або прыносіць да 1 ліпеня 2018 года на адрас офіса АПБ: 220114, г. Мінск, вул. Парніковая, 11, пам. 4.
Усе пераможцы атрымаюць дыпломы і прызы!
( Навіна ўзятая з сайта АПБ)
