Акция «Птушкі ля кармушкі!»
У нашай рэспубліцы стартавала традыцыйная акцыя грамадскага аб’яднання «Ахова птушак Бацькаўшчыны» «Птушкі ля кармушкі».
Для таго каб прыняць удзел уакцыі "Птушкі ля кармушкі", трэба на працягу двух дзён, па 20-ае студзеня ўключна, падлічыць віды і колькасць птушак ля сваёй кармушкі і даслаць звесткі арганізатарам шляхам запаўнення.
Сярод удзельнікаў акцыі грамадскае аб’яднанне «Ахова птушак Бацькаўшчыны» разыграе 10 значкоў з птушкамі, якія часцей за іншых наведваюць кармушкі (гэта зелянушка, гіль, палявы і дамавы верабей).
Але галоўная ідэя акцыі заключаецца ў тым каб дзеці і дарослыя не забывалі падтрымліваць птушак у суровыя марозныя дні: па-першае, птушкі адчуваюць недахоп корма з-за снегавога насцілу, па-другое, ім патрабуецца больш энергіі, а значыць – больш ежы. Кожны можа без асаблівых высілкаў падтрымаць птушак – зрабіць простую кармушку, якая стане сапраўдным паратункам для дзясяткаў вялікіх сініц, вераб’ёў, зелянушак і іншых гасцей!
Якімі будуць «Птушкі ля кармушкі – 2019» – гэта ў першую чаргу залежыць ад кожнага з нас. Арганізатары акцыі чакаюць Вашага актыўнага ўдзелу і шчыра жадаюць, каб ваша кармушка поўнілася разнастайнымі крылатымі гасцямі! Тым больш у такі халодны і снежны час...
