Экскурсія ў музей гісторыі Заронаўскага краю
На мінулым тыдні вучні нашай школы наведалі музей "Гісторыя Заронаўскага краю".
Першымі на экскурсію адправіліся вучні другіх класаў. Дзеці з задавальненнем паслухалі стваральніка і кіраўніка музея Людмілу Канстанцінаўну Нікіціну, наведалі этнаграфічную, калекцыйную, гістарычную залы, пабывалі ў хаце-чытальні, з цікавасцю разглядалі інструменты, якімі карысталіся іх бабулі і дзядулі. Самыя смелыя наведалі залу беларускай міфалогіі.
Пасля іх на экскурсію адправіліся вучні шостых і сёмых класаў, а ў суботу музей наведалі вучні трэціх класаў.
Падлічыць, колькі экспанатаў сабрана і апрацавана за тры дзесяцігоддзі пошукавай, даследчай і навуковай працы, практычна немагчыма. Музей, як пантэон памяці, даўно стаў самастойным пазнавальна-гісторыка-краязнаўчым цэнтрам, сапраўды культурнай славутасцю сельсавета і раёна, а вядомасць у яго, без перабольшання, - міжнародная.
Дзеці з задавальненнем паслухалі Людмілу Канстанцінаўну, даведаліся пра цікавыя старонкі з гісторыі сваёй Радзімы.
